Diens, want ons gee om
“I’m not telling you it’s going to be easy. I’m telling you it’s going to be worth it”
Art Williams (American Insurance Executive)
Funksies
Ouer afgetrede persone kom al hoe meer onder groter finansiële druk soos versorgingsdienste al hoe duurder word. Daarom lewer nie-winsgewende diensverskaffers soos Jagersbosch ‘n lewensnoodsaaklike funksie in die ouer gemeenskappe. Die broodnodige Staatsubsidies om Gemeenskapsdienste te lewer gaan verminder en organisasies gaan al hoe meer op die ondersteuning van gemeenskap sal moet staatmaak om die tekort aan inkomste te oorbrug.
Jagersbosch as ‘n nie-winsgewende organisasie is op onsself en ons gemeenskap aangewese vir ons bedryfskostes. Om inkomste aan te vul is daar is jaarlikse fondsinsameling aktiwiteite soos Jagersbosch se basaar, die Sakekamer se Visete en die Stilbaai Mannekoor optrede.
Fondsinsamelingsaktiwiteite
Jagersbosch organiseer verskeie ad-hoc aktiwiteite gewoonlik op Vrydae, naweke en vakansie dae soos die verkoop van pannekoeke, vetkoeke, burgers, wors rolletjies en kerrie en rys asook die tema etes by die Waenhuis. U ondersteuning is krities vir die volhoubaarheid van Jagersbosch
U kan ook bydrae tot hierdie aktiwiteite deur te help met die voorbereiding, bak en verkope. Skenkings vir die aankoop van die nodige verpakking kruideniersware items of donasies is baie welkom, sonder die hulp van vrywilligers is dit bykans onmoontlik om inkomste te genereer.
Verhuring van Die Waenhuis
Die Waenhuis in Stilbaai is geskik vir aktiwiteite soos funksies, vergaderings, konferensies en ander sosiale geleenthede. Dit is ook baie gewild vir klein troues, verjaarsdagvierings, huweliksherdenkings, en so meer. Die Jagersbosch kombuis word nie verhuur nie maar kan op aanvrag die spyseniering van u Funksie hanteer.
Skakel Die Waenhuis by 028-754-3489 vir die huur van die fasiliteit en toerusting.