Gesondheidsorgdienste
“Versorging is die wese van verpleging.”
Jean Watson (Amerikaanse Verplegingsteoretikus)
Gesondheidsorgdienste
Noodgevalle
Jagersbosch verskaf ‘n 24-uur Noodroepdiens vir sy lede. Lede kan hierdie nommer enige tyd skakel indien daar ‘n gesondheidsnoodsituasie by die huis ontstaan. Let asseblief daarop dat hierdie net ‘n ondersteuningsdiens is, en nie ‘n paramediese diens nie. ‘n Versorger sal ‘n lid wat hierdie diens nodig kry, so gou as moontlik besoek en bystaan totdat toepaslike hulp arriveer.
Tuisbesoeke
Spoedig na aansluiting sal ‘n geregistreerde suster, asook ‘n geregistreerde maatskaplike werker die lid besoek. Die doel van die besoek is om die persoon se gesondheids-, sowel as geestelike behoeftes te bepaal.
Hierna word ‘n besoekskedule vir die lid bepaal wat wissel van daaglikse, weeklikse, maandelikse, kwartaallikse of jaarlikse besoeke na gelang van hul bepaalde behoeftes.
Jagersbosch se primêre gesondheidsorgdienste aan lede sluit die volgende in:
- Gereelde besoeke
- Bloeddruk
- Voetsorg
- Wondversorging
- Verhuring van toerusting
- Katetersorg
- Noodroepnommer
- Cholesterol
- Bloedsuiker
- Tuiswasse of -baddens
- Vervoer
- Oogdruppels
Hulp met vervoer sluit in vervoer na dokters, winkels, die bank, die kliniek en so meer wat vooraf gereël moet word.
Verhuring van Toerusting
Jagersbosch bied ook die verhuring van die volgende mediese toerusting aan, uiteraard onderhewig aan ‘n deposito:
- Rolstoele
- Looprame
- Hospitaalbeddens
- Toiletstoele
- Toiletverhoogstukke
- Ortopediese Stewels (“Moonboots”)
- Eierdopmattrasbedekkings
Friedensheim Versorgingskliniek
Die Friedensheim Versorgingskliniek het onlangs ‘n opgradering ondergaan en nuwe toerusting en uitrusting is aangekoop is.
Hierdie dienste, waarvoor u ‘n afspraak moet maak, sluit in:
- Toetse – Bloeddruk, Bloedsuiker, Cholesterol asook Urine
- Dienste – Wondsorg, Oogdruppels, Voetesorg, Trek van bloed, Inspuitings, Evaluasies, asook die Verwydering van wondsteke/chirurgiese krammetjies.